Ни малку лесен живот немала Габи Новак, познатата пејачка која на 11 август почина во Загреб, по тешкото запаление на белите дробови.
Габи Новак и Арсен Дедиќ имале љубов за која се зборувало и романтизирало со години
Животната приказна на Габи Новак започнува во 1936 година во Берлин. Тоа лето, Германија се подготвувала за отворањето на Олимписките игри, возењето низ градот било тешко, а Елизабета Новак ја родила својата ќерка дома.
Таа и нејзиниот сопруг, бродоградежниот инженер Ѓуро Новак, во кого се вљубила две години претходно на одмор на Хвар, го крстиле девојчето Габриела.
Семејната среќа била засенета од војната. Поради бомбардирањето на Берлин, тие дошле во Загреб, а бидејќи не можеле да ја избегнат војната ниту таму, ја испратиле Габи во Хвар кај нејзините баба и дедо за да биде побезбедна.
Колку што било можно, нејзините родители ја посетувале. Нејзиниот татко подоцна бил убиен, а таа ја видела мајка си дури кога завршила војната. Отишле во Загреб и почнале од почеток. Не било лесно за жена со мало дете, кое е од германско потекло, во првите повоени години.
Габи тргнала на училиште, а нејзината мајка шиела и продавала билети во кино. Бидејќи зборувала одлично германски и англиски, подоцна се вработила како дописник во една компанија. Во тоа време, Габи сакала само да црта и слика, па нејзината мајка ја поддржувала во нејзината желба да се запише на Факултетот за применети уметности“, објави stil.kurir.rs
Сите мислеле дека ќе се запише на уметничка академија, но животните околности не ѝ дозволувале. Почнала да работи во графичката редакција на „Вјесник“. Не се пронашла во таа работа, па работела и како соработник на цртан филм. Преку ден цртала, а навечер „фаќала“ странски станици на радио и ги пеела најголемите хитови.
Еден словенечки композитор го забележал нејзиниот глас и ја поканил да биде гостин на концерти во Љубљана. Полека се открила како џез пејачка, а на џез фестивалот на Бледското езеро во 1958 година настапувала со познатиот Луис Армстронг.
Победата на фестивалот во Загреб во 1959 година го одбележала нејзиниот животен пат – таа победила и го запознала Арсен Дедиќ. Со текот на времето, нивната врска се развила во пријателство. Тие размислувале на ист начин, се восхитувале на истата музика… Тој бил воодушевен од Габи.
Габи се омажила за првпат на 20 години со колегата од работа, десет години постариот Богдан Дебењак. Тој брак не траел ниту една година. Нејзин втор сопруг бил композиторот Стипица Калоѓера. По осум години, и тој брак завршил.
Сепак, пред Арсен, Габи веќе била во брак со композиторот Стипица Калоѓер, а го запознала Дедиќ додека била во брак. Бракот траел осум години, а потоа Габи и Калоѓерa останале во пријателски односи и ја продолжиле соработката.
„Вино и гитарe“, песната што стана заштитен знак на Габи Новак, е напишана додека таа била во брак со композиторот. Тогаш Габи станала големо име. Немало фестивал каде што не однела награда дома.
Љубовта со Арсен Дедиќ се разгорела 11 години по нивното прво запознавање. Габи имала два брака зад себе, а тој се развел од сопругата Весна. Препознавањето на најдлабоките емоции се случило во 1970 година во Русија, на турнеја. Се венчале по раѓањето на нивниот син Матија, а Габи брилијантно ја прифатила неговата ќерка Сандра.
Матија за Габи бил центар на светот. Не можел да избега од своите гени, па затоа започнал музичко училиште на петгодишна возраст, а подоцна дипломирал на Џез академијата во Грац. Габи ја продолжила својата кариера избирајќи само песни што ѝ одговараат.
Во бракот на Габи и Арсен имаше подеми и падови, но најтешкиот момент беше кога Арсен дозна дека е болен и дека мора да се подложи на трансплантација на црн дроб. Во тоа време, таа имаше големи проблеми со ‘рбетот.
Никој не беше посреќен од неа кога во 2004 година од Падова беше известена дека сè поминало добро. И така беше десет години, а потоа започнаа нови здравствени проблеми. Габи помина низ болна операција на колкот и рехабилитација со Арсен, а потоа на 17 август 2015 година, Арсен почина. Најголема утеха на Габи беше нејзината внука Лу, ќерка на Матија.
Благодарение на нејзиниот син, таа подоцна повторно почна да настапува.
Поради повреда на ‘рбетот, таа ги помина последните месеци од животот во дом за рехабилитација во Загреб, каде што в јуни ја доби трагичната вест за загубата на нејзиниот син Матија.
Тажната вест дека како резултат на пневмонија Габи засекогаш ги затвори очите, дојде на 11 август.
