Ѓина Џиновиќ, ќерка на пејачот Харис Џиновиќ и Мелина Галиќ, одлучи да направи голем чекор во својот живот и да се пресели во Барселона, пишуваат српските медиуми.
Овој потег доаѓа по еден турбулентен период во нејзиниот приватен живот и се однесува и на лични и на емоционални причини.
Нејзините денови сега се исполнети со посети на локални ресторани, трговски центри, играње тенис на ексклузивни терени, како и опуштање на плажите на овој прекрасен крајбрежен град.
– Неодамна се гледаше со еден дечко кој со години живее во Шпанија, и мислеше дека единственото логично решение е да се пресели кај него и да ужива далеку од очите на јавноста – открил извор близок до Џиновиќ.
Како што објавија медиумите, односите меѓу Харис Џиновиќ и Ѓина се уште се затегнати, а нејзиниот потег за преселба во Барселона не беше одобрен од него.
– Ѓина одлучи да се пресели без никаков претходен договор со Харис. Нивните односи не се најдобри уште од неговиот развод од Мелина, а тој ја пречекуваше со незадоволство на секој следен чекор. Ѓина речиси и да не слуша ништо од него откако замина за Шпанија, но не се сомневам дека ќе се смират, на крајот на краиштата, тие се татко и ќерка и јасно е колку се сакаат – додал добро информиран извор.
