Познатиот голем знак со буквите „HOLLYWOOD“ на ридот над Лос Анџелес кој уште го нарекуваат култна икона на филмска индустрија, како што јавуваат американските медиуми, ќе почне да се реновира од денеска..
Се наоѓа на планината Санта Моника во Лос Анџелес, а секоја буква е со висина од 13,7 метри.
Реставраторските зафати во пресрет на 100-годишнината од обележјето во 2023 година, ќе траат околу осум недели – прво буквите ќе бидат добро измиени, а потоа ќе добијат и нова боја.
„Знакот ја претставува гордоста на Лос Анџелес и едвај чекаме обожавателите ширум светот да ги видат обновените букви“, велат надлежните служби задолжени за реставрацијата.
