Супермоделот Бела Хадид(25) објави неколку фотографии на кои плаче со цел да ги потсети своите следбеници дека социјалните мрежи не се вистинскиот живот.
„За секој што се бори, ве молим запомнете го тоа. Понекогаш сè што треба да слушнете е дека не сте сами“, напиша таа во долгиот натпис. „Значи, од мене до вас, вие не сте сами. Ве сакам, Ве гледам и Ве слушам“.
Бела продолжи, кажувајќи им на обожавателите дека менталното здравје и хемиската нерамнотежа не се „линеарни“, споредувајќи ги со тобоган со „подеми и падови“.
View this post on Instagram
„Секогаш има светлина на крајот од тунелот, а тобоганот секогаш целосно застанува во одреден момент…[но] станува сè подобрo“, продолжи таа.
Хадид, исто така, напиша дека имала доволно „нервни сломови“ и „состојби на премор“ и за да знае дека „ако работите доволно напорно на себе, поминувајќи време сами за да ги разберете вашите трауми, предизвикувачи, радости и рутина, секогаш ќе можете да разберете или да научите повеќе за сопствената болка и како да се справите со неа. Што е сè што можете да побарате од себе“.
Ѕвездата ја заврши својата објава заблагодарувајќи им се на обожавателите што ја сослушаа како ја споделува нејзината вистина.
View this post on Instagram
Бела Хадид во минатото беше отворена за борбата со тешка депресија и анксиозност уште од тинејџерските години. Таа е ќерка на моделот Јоланда Хадид и сестра на супермоделот Џиџи Хадид. Бела отсекогаш била под огромен притисок да изгледа на одреден начин, кој очигледно влијаел врз нејзиниот развој како личност.
