По краткиот престој во Лас Вегас за да го гледа своето момче како игра на Супербоул, Тејлор Свифт се враќа на своите патувања – на Ерас турнејата, и моментно е во Мелбурн, Австралија, каде што е сместена во луксузен апартман во вредност од над 16 000 долари за ноќ.
Пејачката престојува во хотелот со пет ѕвезди Crown Towers во апартман од илјада квадратни метри, кој содржи две спални соби, трпезарија, дневна соба, приватен лифт, па дури и батлер за да и помогне за сите нејзини потреби.
Свифт сè уште не е забележана како влегува или излегува од хотелот, но самата локација се наоѓа во близина на Мелбурн Крикет Граунд каде што ќе настапува три последователни ноќи.
Во моментов не е јасно дали Тревис Келче, нејзиното момче, ќе ѝ се придружи по пукањето на победничката парада во Канзас Сити, во кое загина најмалку едно лице, а 20 беа повредени во средата, на 14 февруари.
По завршувањето на турнејата во Северна и Јужна Америка, потоа и во Бразил каде што еден фан трагично почина поради топлотна исцрпеност, Свифт се упати кон Австралија за да ги продолжи своите концерти кои уриваат рекорди.
Таа неодамна настапи во главниот град на Јапонија, Токио, а сега ќе настапи прво во Мелбурн, а потоа во Сиднеј пред да ја напушти Австралија за новиот концерт закажан во Сингапур.
Таа потоа заминува за Европа, и ќе настапи во Франција, Шведска, Португалија, Шпанија, и повторно во Франција, па во Велика Британија и Ирска, Холандија, Швајцарија, Италија, Германија, Полска, Австрија и со тоа ја затвора евроазиската етапа на турнејата со последниот настап во Лондон, пред да се врати во САД и Канада во октомври.
