Српската манекенка Софија Милошевиќ повторно привлече внимание на социјалните мрежи, овојпат откривајќи дел од луксузниот дом во кој живее со својот партнер, фудбалерот Лука Јовиќ, и нивните деца.
Двојката неодамна се пресели во Атина поради новиот професионален ангажман на Јовиќ, а судејќи според фотографиите што Софија ги објави на Инстаграм, нивниот нов дом наликува на вистинска оаза на луксузот.
На објавената фотографија се гледа пространа дневна соба со стаклени ѕидови, модерен ентериер и базен пред вилата. Посебен впечаток остава мермерната декорација во внатрешноста, како и големите застаклени површини што му даваат впечаток на домот дека е речиси целосно изграден од стакло.
„Ново поглавје“, напиша манекенката покрај фотографијата.
Софија и Лука со години важат за еден од најекспонираните парови на регионалната јавна сцена. Во текот на нивната врска живееја во неколку европски градови, следејќи ги трансферите на српскиот репрезентативец.
Минатата година нивните поранешни соседи во Милано имаа само пофални зборови за парот. Тие открија дека Софија често можела да се види со децата во локалните паркови, додека Лука најголемиот дел од времето го минувал на тренинзи и клупски обврски.
„Љубезни се и секогаш убаво се поздравуваат“, изјавиле тогаш нивните соседи, додавајќи дека двојката води мирен семеен живот далеку од очите на јавноста.
