Само најблиските пријатели и роднини дојдоа да го споделат овој ден со среќните младенци.
42-годишниот американски актер Крис Еванс се ожени со 26-годишната португалска актерка Алба Баптиста.
Според упатените, тајната свадбена церемонија се одржала на приватен имот во Кејп Код, Масачусетс, и била „строго доверлива“. Поканетите гости биле замолени да потпишат документи за „необјавување“ на информации и фотографии од венчавката, а телефоните исто така им биле одземени пред прославата.
Крис и Алба ги поканиле своите роднини и најблиски пријатели да бидат сведоци на прекрасниот настан. На церемонијата присуствувале и неколку колеги на актерот меѓу кои Роберт Дауни Џуниор, Крис Хемсворт и Џереми Ренер.
Во ноември 2022 година, ѕвездата на „Капетан Америка“ за прв пат поттикна гласини за романса со младата актерка. Тогаш упатените објавија дека парот бил заедно повеќе од една година, но не планирале да ја „рекламираат“ својата врска.
„Тие се заљубени и Крис никогаш не бил посреќен“, изјави упатен извор во тоа време, кој веќе ја нарече нивната врска „сериозна“. „Неговото семејство и пријателите ја обожаваат Алба“, додаде тој.
Во интервју за People минатиот ноември, познатиот актер зборуваше за неговата желба да основа семејство.
По обелоденувањето на романсата, парот почна почесто да се гледа заедно во јавност, а по некое време, во јануари, Крис официјално ја потврди врската со Алба преку слатко видео во кое се заедно со неговата избраничка, додавајќи три емотикони со црвени срца што јасно покажуваше дека е заљубен во девојката.
