Хрватската пејачка Северина повторно ги воодушеви своите следбеници на социјалните мрежи, но овој пат не со најава за нов концерт или гламурозно модно издание, туку со интимна и трогателна порака за животот.
– Животот е прекрасен, но краток. Не го гледајте настрана. Во него има многу прекрасни работи… и луѓе. Сакајте го, бидете сакани, смејте се и гушкајте се многу… затоа што денес е Светски ден на прегратките – напиша Северина на социјалните мрежи.
А, дека така се чувствува покажа преку серија фотографии и кратки видеа.
Северина сподели кадри од своето секојдневие. Прошетка покрај сплитскиот брег, кафе на сончева тераса, дружење во добро друштво и моменти на смеа кои како да се случајно фатени, а не планирани. Фотографиите од семејната роденденска забава за нејзината мајка, кои ги вклучи меѓу другите снимки, особено привлекоа внимание.
Додека споделува вакви опуштени моменти на социјалните мрежи, Северина е зафатена и со голем приватен проект. Го уредува својот нов дом од речиси 400 квадратни метри во Шестине, Загреб. Луксузната вила, која беше продадена на Њушкал за 1,5 милиони евра, се наоѓа во мирна уличка со поглед на Медведница.
View this post on Instagram
