Хрватската музичка ѕвезда Северина ја заврши летната турнеја со спектакуларен настап во Карловац. Освен големата горештина и фактот дека пеела со температура, вечерта ја обележал и целосен мрак што го обвиткал градот.
Крајот на летната турнеја на Северина пред повеќе од 20.000 луѓе на отворањето на 39-тите Карловачки денови на пивото се претворило во искуство кое сите присутни ќе го паметат долго време. Среде концертот, Карловац целосно останал без електрична енергија. Рефлекторите се изгаснале, музиката престанала, а наместо пауза, илјадници обожаватели ги вклучиле светлата на своите мобилни телефони. Северина и публиката спонтано продолжиле да пеат наглас, а заедничката песна одекнувала низ градот околу 20 минути, колку што траел и прекинот на електрична енергија.
View this post on Instagram
Пејачката ги споделила своите впечатоци и на социјалните мрежи. Таа го опишала концертот како „величествен“, а се осврна и на несекојдневните услови што преовладуле и пред прекинот на електричната енергија.
– Концертот во Карловац ги имаше сите карактеристики на рок, на плус 30, а под овој балон плус 800. Беше огнено, испотено – напишала Северина, алудирајќи на големата топлина под куполата на сцената.
