Тамара Тодевска имаше посебна причина за славење – нејзината прва радост, ќерката Хана, го прослави својот 10-ти роденден.
Тамара одлучи на Хана да ѝ организира авантура на отворено, избирајќи ја популарната игра ласер таг. На сликите кои Тамара ги сподели на своите социјални мрежи, се гледа дека Хана и нејзините бројни другарчиња уживале во „борбената“ атмосфера. Опремени со заштитни кациги и ласерски пушки, децата позираа под ведро небо, подготвени за акција.
Централно место на прославата зазеде прекрасната розева роденденска торта, украсена со бројот „10“.
Покрај другарчињата, тука беше и помалиот брат на Хана, Дарен, кој заедно со останатите деца учествуваше во моментот на дување на свеќите. Декорацијата беше надополнета со големи златни балони во форма на бројот 10, кои совршено се вклопија во амбиентот на отворено.
На Хана, на нејзината инстаграм-приказна, роденден ѝ честиташе и тетка ѝ Тијана Дапчевиќ, споделувајќи заедничка слика.
