Ќерката на Здравко Чолиќ, Уна Чолиќ, ужива во љубовна врска со десет години постар партнер, со кого замина на зимување.
Таа на социјалните мрежи сподели моменти од планина, прикажувајќи снежни пејзажи, возење со жичарница, но и романтични сцени со својот избраник.
Вљубениот пар не ги криеше емоциите – се држеа за раце и делуваа блиски, со што уште еднаш потврдија дека нивната врска се развива во добра насока.
Во текот на престојот, решија да си дозволат и вистинско уживање, па посетија спа-центар, каде што се опуштаа далеку од градската врева.
Според информации блиски до нив, нејзиниот партнер се занимава со трговија со автомобили и авто-делови, а поседува и неколку деловни простори во Белград кои ги издава. Благодарение на тоа, неговите приходи се стабилни и високи, па, како што велат упатените, парите речиси сами доаѓаат.
