Да бев јас претседател, ќе ме ставеа на прво место. Ова ѝ се случува на Америка за само две кратки години. Нема почит!.
Вака реагираше поранешниот американски претседател на САД Доналд Трамп на неговата социјална мрежаTruth Social на која го коментираше тоа дека претседателот Џо Бајден седел во 14. ред на погребот на кралицата Елизабета Втора, потсмеваќи се дека бил опкружен со лидери на „земји од третиот свет“.
Трамп на Truth Social објави фотографија со црвена стрелка кон Бајден. Трамп вели дека распоредот на седиштата е показател за рејтингот на САД, кој, според него, е намален откако Бајден е претседател.
Сепак, протоколот предвидува претставниците на земјите од Комонвелтот да седат пред останатите шефови на држави. САД не е во подрачјето на британскиот Комонвелт. Така, на пример, канадскиот премиер Џастин Трудо се најде девет реда пред американскиот претседател.
„Ова е добра можност актуелниот претседател подобро да се запознае со некои лидери на земји од третиот свет. Во недвижностите, како и во политиката и животот, местото е сè!“, вели Трамп.
Џо Бајден и првата дама Џил седнаа до претседателот на Швајцарија, пред нив беше претседателот на Полска, а зад нив премиерот на Чешка. Кинескиот претставник беше во ист ред со Бајден.
