Поп-пејачката Тијана Дапчевиќ со години негува природен изглед, а отсекогаш важела за многу убава жена, која во се се издвојувала од толпата. Но, изгледа и таа подлегна на трендот на подмладување, па посети пластичен хирург.
Како што истакнува во видеото кое го објави на Инстаграм, со години оди кај истиот пластичен хирург, но дури сега решила да направи некои поголеми промени на лицето. На снимката се гледа дека лицето на Тијана е многу отечено и црвено, но таа објасни за што се работи.
– Мојата пријателка излегува од кај естетскиот хирург како ништо да не направила, а јас сум секој пат ваква, но за среќа брзо поминува. Сето ова се случува затоа што имам почувствителна кожа – објаснува пејачката.
Пејачката со години беше категорична дека не сака да ги зголеми усните, иако нејзиниот „пластичар“ пет години ја наговарал на тоа. Но, сега попуштила и ги зголеми усните со хијалуронска киселина. Кога го видела резултатот, Тијана се воодушевила.
– Аууу, па моите усни се исти како што некогаш беа. Боже, каква коза сум јас што не сум го правела ова досега – се пошегува Тијана.
Мора да се признае дека усните на Тијана навистина изгледаат убаво и природно и дека никој можеби не би ни забележал дека ги зголемила, доколку не одлучи да го сподели ова со своите следбеници на Инстаграм.
