На овој ден пред точно 12 години, семејството на пејачот Дарко Лазиќ стана побогато за уште еден член кога на свет пристигна неговата ќерка Лорена, која ја доби за време на бракот со Ана Севиќ.
По овој повод, фолкерот објави на својот инстаграм-профил за јавно да го одбележи овој важен датум, но во својата објава, покрај неизмерната среќа, имаше и нота на тага.
Со споделување на емотивна заедничка фотографија и трогателни зборови, Дарко покажа колку му значи неговата наследничка, додека честитките од неговите следбеници продолжија да течат во коментарите.
– Среќен роденден, љубав татина, секогаш да си среќна и насмеан за мене. Да ни бидеш жива – напиша Дарко со емотикони во облик на срце и песната „Семејство“.
И Ана Севиќ се огласи на социјалните мрежи и ѝ честиташе на ќерка си.
– На мојата прва радост. Среќен 12. роденден. Те сакам најмногу – напиша таа.
Инаку, Дарко откри дека 10 јули е посебен датум и од друга причина. Дека и неговиот покоен татко, Милан, е роден на тој ден.
– Среќен роденден, стари мој – напиша пејачот со видео од неговиот татко како свири хармоника.
