Супермоделот Кристи Бринкли, која неодамна наполни 70 години, на Инстаграм откри дека ѝ бил дијагностициран рак на кожата и дека била оперирана.
Манекенката од „Спортс илустрејтид“ откри дека ѝ бил дијагностициран карцином на базалните клетки (вид на немеланомски рак на кожата): Бринкли побарала од докторот „да ја погледне малата точка на нејзиното лице“ кога ја однела ќерка си на лекар. „Погледна, и веднаш знаеше дека му треба биопсија. И веднаш го направи тоа”, рече таа.
„Добрата вест: рано го идентификувавме карцином на базалните клетки. И имав прекрасни лекари кои го отстранија ракот и ја сошија лузната „couture“, како во Диор“, истакна таа и повика на задолжително тестирање за откривање на болеста во рана фаза.
Бринкли истакна дека сега ќе користи заштитен фактор 30 секогаш кога ќе излезе од дома, а ќе носи и шапка со широк обод и долги ракави.
Бринкли претходно зборуваше во интервју за нејзиниот став кон промените поврзани со возраста. Според нејзините зборови, порано користела ботокс, но сега се труди да старее што поприродно.
“Подготвена сум да прифатам одредени брчки – така му приоѓам на стареењето. Понекогаш кога луѓето стареат и премногу се трудат да сочуваат младешки изглед, може да изгледаат восочно и вештачки. Но, сакам моето лице да покажува малку од мојот живот“ – признала Бринкли и додала дека во нејзината грижа за себе се фокусирала да изгледа што е можно подобро, а притоа да старее природно.
