Богдана Ражнатовиќ за првпат зборува за љубовта со боксерот за српските медиуми. Вели дека го одбила сопругот Вељко кога првпат ѝ пришол и почнал да флертува со неа.
Снаата на Цеце Ражнатовиќ не сакала ништо со младиот боксер, бидејќи тој во јавноста бил окарактеризиран како женкар.
– Нашето запознавање започна кога го одбив, бидејќи знаев каков бил пред мене. Но, тоа само му разбуди уште поголема желба за мене. На крајот толку многу се засакавме и создадовме семејство, што е голем благослов за нас – вели Богдана на почетокот на разговорот за српските медиуми.
Иако Вељко, кој е професионален боксер, изгледа како вистински мачо од Балканот, Ражнатовиќ вели дека приватно е сосема поинаков.
– Вељко е внимателен, нежен и полн со љубов и разбирање. Ништо не ми пречи кај него. Напротив, маж ми го сакам најмногу на свет. Среќна сум што живееме мирен живот и што се остварив како сопруга и мајка, додава таа.
Богдана пред две години го роди нивниот син Жељко.
-Физички е ист како тато, но е тврдоглав – вели Богдана, која во април ќе роди уште еден син Крстан.
– Се радувам што наскоро стигнува бебе и што Жељко ќе добие брат. Втората бременост ми е полесна, за разлика од првата, бидејќи сум добро информирана за се што ме очекува. Но, второто бебе е понемирно од Жељко – вели поранешната кошаркарка за српските медиуми.
