Не само македонските медиуми, туку целиот регион пишуваше деновиве за гламурната свадба на Јордан, постариот син на поранешниот шеф на УБК Сашко Мијалков и балерината Александра Мијалкова.
Познато е дека на раскошната свадба која ќе се памети како нешто невидено до сега во регионот, двестотината гости ги забавувале и српските пејачки Цеца Ражнатовиќ и Милица Павловиќ, а забавата продолжила до шест часот изутрина со диџеј сетови и журка за помладите.
Меѓу бројните впечатоци за паметење, особено бил впечатлив и декорот од бели рози кои ги имало насекаде, до толку што некои од присутните се прашувале „од каде може да се најде (и донесе) толку многу бело цвеќе.
Според гласините, за беспрекорноста на настанот бил задолжен врвен италијански евент-мајстор, а секако се служеле и врвни специјалити под палката на врвни италијански готвачи.
Така, на менито се нашле главно морски специјалитети, како сицилијански ракчиња, италијанска паста со јастог, филети од морска риба…, за десерт тирамису со традиционалното италијанско амарето, и секако неизбежната свадбена торта која подеднакво била фасцинантна (и на изглед и по вкус).
Што се однесува до пијалоците, се служеле врвни вина, меѓу кои и луксузниот шапмањ „Кристал“.
Кулуарските муабети „калкулираат“ дека свадбата би можела да чини околу милион ипол евра, но и дека поспекталураен настан не виделе дури ни оние кои го прошетале светот.
