По објавувањето на првата фотографија на Жерар Пике на социјалните мрежи покрај неговата девојка Клара Чиа, реакцијата на Шакира не чекаше долго, но таа само сакаше да го нагласи успехот на хит песната „Музичката сесија број 53“ со Бизарап и да го истакне вниманието кое нејзините деца Милан и Саша и го даваат.
Песната доживеа (до сега) рекордни 200 милиони прегледи, а дополнително Шакира натера милиони луѓе не само да пеат, туку и да танцуваат, бидејќи беше објавена новата верзија на Музичката сесија #53 во верзија со танц (чекори).
„Жените веќе не плачат, жените танцуваат меренга“, напиша Шакира на својот Инстаграм профил со видео од новата верзија.
А за да покаже колку не ѝ е грижа за фотографијата што Пике ја објави во четвртокот, Шакира се посвети на готвењето за своите деца и тоа го сподели во своите „приказни“ на социјалните мрежа, иако не беше задоволна од резултатот на готварската мајсторија. Така таа го истакна трпението што Милан и Саша го имаат кон неа.
Колумбиската пејачка им печеше палачинки на своите малечки, а иако се чинеше дека целта беше да бидат во облик на Мики Маус, резултатот не беше како што очекуваше.
„Мики или панда? праша Шакира, постирајќи фотографија од палачинка која изгледаше малку изгорена.
