Новиот светски рекорд за долговечност ѝ припаѓа на Марија Брањас Морера, 115-годишна Шпанка родена во Америка – таа е новата најстара личност во светот.
Морера се искачи на првото место на специјалното рангирање направено од Гинисовата книга на рекорди по смртта на калуѓерката Лусил Рандон, позната како сестра Андре, која почина лани на 17 јануари на 118-годишна возраст.
Después de la muerte de la francesa Lucile Randon, la nueva persona viva más longeva del mundo es María Branyas Morera (nacida el 4 de marzo de 1907 en Estados Unidos), de 115 años y 319 días, vive en la ciudad de Olot, Cataluña, España. pic.twitter.com/wdJGWE2Sn2
— LongeviQuest Supercentenarios (@Supercentenaria) January 17, 2023
Живее во дом за стари лица
Г-ѓа Морера е родена во Сан Франциско, Калифорнија, на 4 март 1907 година, една година по пристигнувањето на нејзините родители во САД од Шпанија, каде што се вратиле осум години подоцна.
Постарата дама веќе 20 години живее во пензионерскиот дом Санта Марија дел Тура во градот Олот во североисточна Шпанија. Во наредните денови, установата планира да организира „мала забава“ зад затворени врати за „да го прослави овој многу посебен настан“. Според извештаите од установата, Морера е во добра здравствена состојба и се радува на признанието од Гинис.
Официјалниот рекорд од Гинисовата книга на рекорди се уште не е пристигнат, но прашање е на време, по формалните проверки на документите, Марија ќе стане во сите погледи најстарата личност на светот.
Во текот на долгиот живот, живеела во различни градови на Шпанија следејќи ја работата на нејзиниот татко новинар, од Барселона до Бањолес, од Жирона до Калонге и Палол де Ревардит. Пред две години таа го победи ковидот и стана најстариот човек во светот што ја победил болеста.
El top de las 10 personas vivas más longevas del mundo
1. María Branyas Morera (nacida el 04/03/1907), 115 años, 🇺🇸🇪🇸 Estados Unidos/España.
2. Fusa Tatsumi (nacida el 25/04/1907), 115 años, 🇯🇵 Japón.
3. Edie Ceccarelli (nacida el 05/02/1908), 114 años, 🇺🇸 Estados Unidos. pic.twitter.com/WeZX2LA36N— LongeviQuest Supercentenarios (@Supercentenaria) January 19, 2023
Рецептот на Марија за долговечност
Но, која е тајната на оваа жена? Во интервју за „Ел Мундо“, старицата го откри својот „рецепт“ за долг живот: „Многумина ме прашуваат на каква диета се држам. Отсекогаш сум јадела малку, но сè, без да почитувам некој посебен режим. Никогаш не сум била оперирана и никогаш не сум боледувал од некоја болест. Мислам дека долговечноста е резултат на добра генетика, но и на многу среќа. Тајната според мене останува добрата исхрана. Се зависи од начинот на живот што го водиме: редот и спокојството се од суштинско значење, како и добрата врска со семејството и пријателите, контактот со природата и емоционалната стабилност. Мора да живеете со многу позитивност, без грижи и без жалење, држејќи ги токсичните луѓе на дистанца“.
По Марија, следуваат уште две долговечни жени – Јапонката Фуса Цацуми родена 25.04.1907 година (115 години) која е месец ипол помлада од Марија Морера, и по неа, 114-годишната Еди Чекарели која живее во САД.
