Пејачот Жељко Бебек отпатува во Стокхолм, Шведска, а друштво на патувањето му прават сопругата Ружица и ќерката Катарина.
Ружица Бебек на социјалните мрежи сподели фотографии од семејното патување, придружени со кратка порака: „Нашето мало патување“.
Среќното семејство позираше покрај знаменитостите на Стокхолм. Нејзината објава набрзо предизвика воодушевување кај бројните следбеници.
View this post on Instagram
Инаку, брачниот пар е заедно веќе 24 години, а пејачот претходно го сподели своето гледиште за долговечноста и среќата во бракот.
„Најпрво, во животот е важно да имаш среќа, да направиш добар избор, но и ти да бидеш добар избор за другата страна. Потоа, со таа свесност, секој ден продолжуваш да докажуваш дека и понатаму го сакаш тоа, па дури и повеќе. Кога го даваш најдоброто од себе, имаш можност да го добиеш и сето она што може да се добие. Така секој ден си сè посреќен и посреќен, особено кога ќе се создаде семејство, кога и во тоа имаш среќа и, секако, со Божја помош, имаш здравје“, изјавил тогаш музичарот за „Story“.
