Фолк пејачката Соња Тарчуловска и нејзиниот сопруг Јохан Тарчуловски имаа посебна причина за славење – нивниот син Младен го одбележа еден од најважните животни моменти, матурската вечер.
Гордите родители, заедно со ќерките Мелани и Јоана, беа покрај матурантот во оваа значајна вечер, а семејната фотографија зрачи со емоции.
По повод матурската прослава, Соња Тарчуловска сподели емотивна порака посветена на својот син, во која ја отвори душата и зборуваше за неговото растење, трудот и новите почетоци што го очекуваат.
„Сине наш. Денес не славиш само матура, денес славиш години труд, падови, соништа и растење.
Горда сум на момчето што стана човек со срце планина. Појди по својот пат и свои цели.
Нека оваа вечер ти биде почеток на живот исполнет со храброст, љубов и успеси.
Каде и да одиш, носи ја добрината во себе и никогаш не заборавај колку си сакан.
Ти посакуваме да чекориш сигурно, да не се плашиш од нови почетоци и секогаш да веруваш во себе. Исто како што јас отсекогаш верував во тебе. Честита матура, сине!
Да си ми жив, здрав, среќен и насмеан. Те сакаме.“, напиша Соња.
