Пејачката Сара Јо и младиот актер Алексеј Бјелогрлиќ, син на Драган Бјелогрлиќ, веќе некое време се под лупа на јавноста поради нивната врска.
Сега тие решија да стават крај на сите шпекулации ина социјалните мрежи ја споделија својата среќа.
Сара Јо објави приказна на својот инстаграм-профил на која позира со Алексеј. На фотографијата се гледа како двојката ужива во топла прегратка, а нивните широки насмевки сведочат колку се среќни и блиски.
Фотографијата, направена на една од морските дестинации, зрачи со позитивна енергија и спонтаност. Сара е во бела маица, со елегантен златен накит на раката, додека Алексеј носи модерни очила за сонце и впечатлива златна нараквица.
Овој неочекуван потег на двојката, која досега вешто ја криеше својата приватност, предизвика вистинска лавина од коментари и реакции. Обожавателите се воодушевени од нивната блискост и многумина им испратија најдобри желби, забележувајќи дека изгледаат како совршен пар.
