Ќерката на српската фолк пејачка Александра Пријовиќ и нејзиниот сопруг Филип Живојиновиќ, малата Арија, прооде. Гордата баба Зорица Накиќ сподели емотивно видео од семејниот дом на својот инстаграм-профил, на кое се гледа како Арија сама ги прави првите чекори.
Оваа глетка особено ја разнежи мајката на Александра, Зорица, која сподели дел од семејната среќа со своите придружници. Во видеото може да се види како малата Арија со многу самодоверба оди без помош.
Арија неодамна го прослави првиот роденден, а нејзините први самостојни чекори секако се еден од најубавите моменти за целото семејство. Александра и Филип направија забава по повод првиот роденден и крштевката на својата ќерка.
Инаку, Александра и Филип најчесто ја држат својата наследничка подалеку од очите на јавноста, но членовите на семејството одвреме-навреме споделуваат по некој симпатичен момент од нивниот приватен живот.
Иако ретко зборува за својот приватен живот, Александра неодамна проговори за бракот со Филип.
– Филип промени сè. Со него научив сè за животот, и приватно и професионално. Затоа секогаш велам дека сето ова е наше, бидејќи да не беше тој, ништо немаше да биде исто – рекла Александра, а потоа открила и како таа и Филип балансираат помеѓу бракот и работата.
