Порасна ќерката на пејачот Александар Белов кој со сопругата Јелена живее во српскиот град Крагуевац, а гордите родители објавија слика од малата Мина како пее на приредба во градинка.
Таа во јануари наполни четири години. Роденденот на малата Мина која се роди на Стара Нова година поминал во атмосфера како од бајка. Прославата била инспирирана од светот на Дизни, со роденденска торта украсена со ликовите од „Леденото кралство“.
Мина, облечена во фустан со мотиви од популарниот цртан филм и круна, изгледала како вистинска принцеза. Таа ги дувна свеќичките на тортата со нејзините омилени ликови.
Пејачот кој се прослави во шоуто „Операција триумф“ се ожени во 2019, и оттогаш тој интензивно настапува низ српските градови, а доаѓа и во Скопје и во родното Неготино.
