Српскиот тениски ас Новак Ѓоковиќ не престанува да го воодушевува светот покажувајќи дека за толку ретки луѓе апсолутно нема граници, а неговата сопруга често е „на радарот“. Мора да се признае, Јелена Ѓоковиќ ја импресионира јавноста на друг начин – со својот оригинален стил и одлични изданија, кои модните познавачи ги нарекуваат олицетворение на тивок луксуз и минималистички максимум.
Лежерно, но елегантно и класично. Во една од омилените нијанси на есенската палета, но и во хармонија со вибрациите што ги емитува вечната Венеција во секое време од годината, дури и во ова најстудено време. Јелена Ѓоковиќ ниту овој пат не погрешила, а нејзиниот избор бил монохроматска светлосива комбинација од широки панталони и кошула. Стајлингот го надополнила со бели патики, кои совршено се вклопиле во приказната.
View this post on Instagram
Со тимот на „Фондацијата Новак Ѓоковиќ“ таа го посетила седиштето на „Хјуман сејфети нет“ (The Human Safety Net), кое се наоѓа во историската зграда „Прокуратие“. Како што напишала и таа на социјалните мрежи, заедно со фотографиите од местото на настанот, зданието е отворено за јавноста првпат по речиси 500 години.
„Место полно со идеи, топлина и мали креативни искри, енергија, историја, креативност“, констатирала сопругата на славниот тенисер и на крајот се запрашала „дали светот би бил подобар ако имаше повеќе вакви простори“. Нејзините следбеници веднаш ѝ одговориле со коментари полни со комплименти: „Светот е сигурно поубав со Новак и Јелена“, „Елегантна и убава како и секогаш“ и така натаму.
Дури и во текот на престојот во Венеција, Јелена Ѓоковиќ се држела до својот концепт, кој се карактеризира со минимализам, умереност и ненаметливост, покажувајќи зошто дури и Ана Винтур и многу други модни икони ја сметаат за дама со стил. За обиколка на секогаш романтичниот град, таа избрала неколку стилови, па така на фотографиите се менувале светлосива спортски јакни, топли капи и елегантен капут, кој веќе го видовме оваа есен, а кој е вистински хит на сезоната.
