31-годишната американска раперка Карди Би (Белкалис Марленис Алманзар) го чека своето трето дете. Убавата вест уметницата ја објави на Инстаграм.
Карди ја објави својата бременост по веста за разводот со раперот Офсет.
„Со секој крај доаѓа нов почеток! Многу сум благодарна што ја споделувам оваа сезона со тебе, ми донесе повеќе љубов, повеќе живот и што е најважно, ми ја врати моќта! Ме потсети дека можам да имам се! Ме потсети дека никогаш не треба да избирам помеѓу животот, љубовта и мојата страст! Те сакам толку многу и едвај чекам да бидеш сведок на она што ми помогна да го постигнам, на што ме поттикна! Многу е полесно да се преземат животните пресврти, кривини и тестови, но ти, твојот брат и твојата сестра ми покажавте зошто вреди да го надминам тоа!“, напиша уметницата.
Карда Би на новите фотографии позира во луксузен црвен фустан, покажувајќи го забележително заоблениот стомак, на позадината на ноќниот град.
View this post on Instagram
Раперката ја објави својата бременост еден ден откако поднесе барање за развод од Офсет по шест години брак, потврди претставникот на раперката за Пипл (People).
Бремената Карди Б бара старателство над нивните деца, двегодишниот син Вејв Сет и шестгодишната ќерка Калсе Киари. Не се знае точно кој е таткото на нероденото дете на музичарката.
