Старлетата и поранешна натпреварувачка во ријалити шоу, Ава Карабатиќ, објави шокантен оглас во кој нуди услуги за подучување деца по различни предмети, како и помош при апстиненција од алкохол, со која и самата се бореше.
– Драги родители и ученици, доколку барате професионална поддршка и квалитетно подучување, знаете кому да се обратите. Нудам индивидуален пристап, прилагоден на вашите потреби, со цел подобро разбирање на материјалот и постигнување одлични резултати – напиша таа, додека во огласот наведува и дека „обезбедува помош при откажување од алкохол преку сопствено искуство“. Таа планира да наплаќа 50 евра на час за овие часови.
View this post on Instagram
Оваа реклама на нејзиниот Инстаграм профил, сепак, беше дочекана со потсмев. Имено, Ава е позната по своите контроверзни изјави и однесување, но и по продажбата на своите експлицитни фотографии. Таа отворено проговори и за својата борба со алкохолот, што доведе до нејзино хоспитализирање.
Ова не е првпат Ава Карабатиќ да се обиде да тргне во поинаква насока. Имено, таа се кандидираше на парламентарните избори во Хрватска пред година и пол, и додека сите мислеа дека старлетата се шегува, таа беше сериозна во својата намера со слоганот „Отрезни се“.
