Пејачот на бендот „Парни ваљак“ Игор Дрвенкар и неговата партнерка Нора станаа родители.
Тие ја споделија среќната вест на Инстаграм, каде што го открија полот и името на бебето.
„Добредојде мала душо. Лира – 03.01.2026“, напишаа тие.
Среќните родители споделија и фотографија со својата ќеркичка.
View this post on Instagram
Пејачот го држи својот приватен живот подалеку од очите на јавноста, а не е познато колку долго е во врска со Нора. Своите први заеднички фотографии ги објавија на почетокот на минатата година, а оттогаш не ја кријат својата врска и често ги споделуваат моментите што ги поминуваат заедно. Пејачот претходно беше во врска со уметничката и инфлуенсерка Денис Гргиќ, која се натпреваруваше во шоуто „Танцување со ѕвездите“.
Игор Дрвенкар е роден во 1991 година во Копривница, а пораснал во Подравске Сесвете. Со музика почнал посериозно да се занимава уште во средно училиште, како фронтмен на бендот „Откажан лет“, а подоцна освојувал награди на фестивали и се истакнал како талентиран кантавтор.
Паралелно, тој изградил и театарска кариера – пеел во мјузикли како што се „Исус Христос Суперѕвезда“, „Убавицата и ѕверот“ и „Легендата за Ружица-града“, а компонирал и аранжирал музика за неколку претстави. Од 2015 до 2022 година бил пејач на групата „Геа“, а настапувал и во музички емисии, истовремено работејќи како композитор и продуцент.
Од 2023 година, Дрвенкар е новиот фронтмен на легендарната група „Парни ваљак“, преземајќи ја улогата по смртта на Аки Рахимовски. Со бендот ја снимил песната „Моја глава, мои правила“ и отиде на турнеја, продолжувајќи ја богатата традиција на еден од најпознатите рок бендови во регионот.
