Неодамна сите медиуми во регионот пишуваа за тоа дека постои некаков конфликт меѓу Марија Шерифовиќ и Јелена Карлеуша.
Овие шпекулации станаа јавни откако пејачите престанаа да се „следат“ на Инстаграм.
Двете колешки со години беа во добри односи и заедно беа дел од жирито на музичкиот натпревар „Ѕвезде Гранда“. Сите се изненадија кога „пукна тиквата“ на пријателството. Сепак, се чини дека има помирување на старите пријателки, и тоа токму на Божиќ.
Јелена на Инстаграм објави фотографии направени претходната година, а потоа сподели и фотографија со Марија. Двете се забавуваат на еден настан. Многумина ова го протолкуваа дека пејачките се смириле.
Потсетуваме, новинарите во една прилика ја прашаа Марија дали Јелена ѝ честитала за албумот „Долази љубов“, а таа објасни во какви односи се.
– Јелена не ми се јавила и претпоставував дека ќе ме прашате за ова. Да ставиме крај на ова засекогаш: Немам ни најмал проблем со Јелена Карлеуша, ако таа има, мислам дека сите треба да го знаеме тоа. Ова е мојот единствен одговор – нагласи Марија.
– Марија знае зошто сум лута, само се преправа, но сега нема да зборуваме за тоа, претстојат празници – изјави неодамна Јелена.
