За Мел, Божиќ е повеќе од празник – тоа е страст што ја инспирира секоја година почнувајќи од 1 септември, да го претвора својот дом во празнично чудо.
Мел ја изразува својата љубов кон празниците поставувајќи дури 26 тематски елки, секоја со уникатен декор.
Оваа задача бара три месеци работа, но за Мел тоа е радост и уживање.
Критиките за нејзиниот пристап, кои често може да се слушнат, не влијаат на нејзиниот ентузијазам. „Премногу е“, коментираат некои, но Мел останува доследна на својата традиција. Своите новогодишни елки ги споделува со светот преку Фејсбук групата „The Magical Holidays of Christmas & Winter“, каде што е пречекана со восхит и пофалби за нејзините украсни вештини.
Декорациите вклучуваат зелена и црвена елка, новогодишна елка инспирирана од топло чоколадо, целосно бела елка, елка со бонбони… Покрај кујната и дневната соба кои се сосема украсени, секој агол од нејзиниот дом зрачи со празничен дух.
Иако некои членови на групата на Фејсбук сметаат дека пристапот на Мел е претеран, многумина се импресионирани од нејзиниот труд и креативност.
Вообичаени се коментарите како „Ова мора да одземе многу време“ и „Секоја елка е преубава“, пренесува Mirror.
