На 8 август, многу пријатели, почитувачи на нејзината музика и хумани дела, се сетија на кралицата на ромската и македонска песна Есма Реџепова- Теодосиевска која е родена на овој ден. Меѓу нив беше и Симеон Атанасов, еден од нејзините синови кој напиша: „На денешен ден е родена Есма Реџепова- Теодосиевска. Почивај во мир мајко“, напиша Атанасов.
Симеон Атанасов е едно од 47-те момчиња кои ги одгледа легендарната Есма Реџепова- Теодосиевска. Симеон ѝ кој и беше менаџер се до крајот на нејзиниот живот, пред неколку години година изненади со одлуката да се пресели во Виена, Австрија, заедно со сопругата и децата.
Атанасов во една прилика има изјавено дека во Виена има сѐ, но го нема нашето сонце и топлината на нашиот народ, и се надева дека во некоја подобра иднина ќе се врати во неговото родно Кочани, од каде што тргнал далечната 1984 година.
Во Виена, тој отворил музичка продукција, заедно неговиот син. Атанасов на Фејсбук објави слика од неговата сопруга, снаата на Есма и на Стево Теодосиевски. „27- години исполнети со разбирање, верба и сплотеност. Нека ни се множат годините“, напишал Атансов до сликата со сопругата Беза Реџеп Атанасова.
