Благодарение на виралното видео, бројот на претплатници на страницата на телохранителот на Бијонсе на Инстаграм се зголеми четири пати.
Новиот маж на соништата на милиони девојки ширум светот е телохранителот на пејачката Бијонсе, чие видео се прошири низ социјалните мрежи и стана вирално.
Според „Попшугар“, снимката е направена на концерт на 6 август во Вашингтон. За време на настапот на Бијонсе во рамките на нејзината светска турнеја, Renaissance, изведувајќи ја песната „Energy“, Бијонсе побарала од публиката да молчи за да го претстави згодниот телохранител, но публиката во стадионот не успеала да ѝ го исполнија барањето – кога го виделе телохранителот, девојките почнале да врескаат.
The security looked so impressed with that “Mute” 😂 pic.twitter.com/sUuR8MP9KT
— Hermiden (@IChoseViolencee) August 7, 2023
Не е чудно што набрзо се дознало името на овој згоден маж и се дознало што работи.
Новата ѕвезда на социјалните мрежи се вика Џејмс Плаза. Тој е хонорарен службеник за блиска заштита кој работи во приватно обезбедување со ВИП лица од 2010 година. Сепак, неговата биографија содржи информации не само дека тој е телохранител на Бијонсе, туку и дека Џејмс е „конкурентен бодибилдер“.
Инстаграмот на Плаза, кој ги зголеми четирикратно своите следбеници откако беше објавено видеото, ги слави неговите достигнувања како професионален спортист, вклучувајќи ги и медалите од федерациите GBO, FMC и NFMUK.
Често споделува видеа од неговите тренинзи кога се подготвува за натпревар.
Главниот приоритет на Плаза е неговата одговорност кон неговата работа. Во април оваа година, Плаза во објава на Инстаграм напиша дека не се натпреварува на ниту едно бодибилдинг натпреварување за сезоната 2023 поради работни обврски, но сепак работи напорно за да го одржи својот фит изглед.
