Поранешната македонска пејачка Ноне Неделковска го прослави својот 40-ти роденден, а дел од роденденската атмосфера сподели со следбениците на социјалните мрежи.
Ноне, која веќе подолго време е повлечена од македонската музичка сцена, јубилејот го одбележа со чоколадна торта на која стоеше натписот: „Среќен роденден, принцезо Нона“.
На фотографиите што ги објави на Инстаграм, таа позира во црна маичка и тесно здолниште, а покажа и како изгледал еден поинаков дел од нејзиниот роденден.
Имено, наместо класична роденденска прослава, Ноне дел од денот го помина во фитнес сала. Таа објави видео од тренингот и на шега напиша:
„Нема забава, само повторувања“.
Неделковска своевремено беше едно од препознатливите имиња на македонската музичка сцена. Учествуваше во втората сезона на регионалното музичко натпреварување „Идол“, каде што го освои второто место.
По неколку години активна музичка кариера, Ноне одлучи да се повлече од естрадата и започна ново животно поглавје, работејќи на брод.
Иако повеќе не е активна како пејачка, таа повремено споделува моменти од секојдневието со своите следбеници, а овојпат поводот беше нејзиниот јубилеен 40-ти роденден.
