Јелена Карлеуша деновиве престојува во Милано со своите ќерки Атина и Ника, а друштво во италијанската модна престолнина им прави и младиот манекен Александар Шево, со кого пејачката во последно време сè почесто се појавува во јавноста.
Карлеуша сподели повеќе фотографии од престојот во Милано, каде што со ќерките ужива во прошетки и шопинг.
За една од прошетките пејачката избра краток црн фустан и високи потпетици, а во истото издание позираше со Атина и Ника. Подоцна беше фотографирана и во друштво на Александар на улицата Монтенаполеоне.
View this post on Instagram
Нивните сè почести заеднички појавувања веќе неколку дена ги поттикнуваат гласините дека меѓу нив можеби има нешто повеќе од пријателство. Шево е 25 години помлад од Карлеуша и се појави и во нејзиниот спот за песната „Балкан бој“.
Сепак, пејачката досега не потврди дека е во љубовна врска со него. Напротив, откако започнаа шпекулациите, таа изјави дека Александар е нејзин добар пријател и негираше дека станува збор за романса.
И покрај тоа, нивното заедничко патување во Милано повторно ги разгоре гласините, особено откако самата Карлеуша објави фотографии на кои се гледа дека Александар е со неа во Италија.
View this post on Instagram
