Актерот Николас Кејџ на црвениот тепих се појави со сопругата Рико, 31 година помлада од него.
60-годишниот Николас Кејџ и 29-годишната Рико Шибата присуствуваа на 96-тото доделување на Оскарите. Актерот позираше на црвениот тепих облечен во црни панталони, бела кошула и црни чевли. Неговата млада партнерка за настанот избра црн макси фустан, украсен со сива ткаенина на предната страна. На нејзиниот изглед доминираше црвениот кармин.
Riko Shibata and Nicolas Cage pose together on the #Oscars red carpet. pic.twitter.com/n7k2j2Fkb5
— Entertainment Tonight (@etnow) March 10, 2024
Николас Кејџ и Рико Шибата се запознале во 2019 година на снимање на актерот во Токио. Холивудскиот актер ја запроси својата свршеница преку FaceTime среде пандемијата на коронавирус. Во февруари 2021 година, љубовниците се венчаа. Ѕвездите не организираа раскошна прослава, туку одржаа „многу мала и интимна церемонија во хотелот Вин во Лас Вегас“. Една година подоцна, Николас Кејџ и Рико Шибата добија ќерка. Ја нарекоа Аугуста Франческа Копола Кејџ.
