Неда Украден традиционално со семејството го прославува празникот на православните христијани Свети Архангел Михаил. Така беше и годинава, а пејачката се потруди празничната трпеза да изгледа совршено.
Таа ја скрши славеничката погача со ќерката Јелена Билбија Миновиќ, зетот Предраг, како и со внуците Душан и близнаците Александра и Неда.
Неда прикачи и нивна заедничка фотографија на својот Инстаграм профил и напиша топла порака.
– Кога домот мириса на традиција.
Дел од атмосферата заврши на социјалните мрежи. На една фотографија која привлече внимание Неда подготвува сарма, која, судејќи по празните чинии, ја обожава семејството, а заедно со ќерката го отпеа големиот хит на Предраг Живковиќ Тозовац „Виолино не свирај“.
