Александра Шијакоска откри дека таа и нејзиниот сопруг Едмонд Весели ќе станат родители по вторпат.
Шијакоска ја објави среќната вест на својот инстаграм-профил, каде сподели низа семејни фотографии покрај плажа. Парот и нивниот син Риан беа облечени во модни комбинации во беж боја и позираа со фотографиите од ултразвук на бебето што го очекуваат.
– Имаше денови кога се што имав беше надежта. Тивка, мала, но силна. Денес таа надеж е љубов што ја живеам секој ден, мало раче што ме држи и нов живот што тивко расте под моето срце. Благодарни за се што имаме, со најсилна вера во се што доаѓа, одиме напред, посилни и побогати за уште една љубов. Моето срце никогаш не било пополно – напиша Шијакоска покрај фотографиите.
Да потсетиме, Александра Шијакоска и Едмонд Весели се венчаа пред две години кога направија забава, на која присуствуваа нивните најблиски роднини и пријатели. Во ноември минатата година тие го добија нивниот син, кој го крстија Риан.
