18.8 C
Скопје
19:43 - 5 октомври, 2022

(Фото) Miss Tourism Universe: Македонката Ева освои две титули во Либан

Минатиот викенд во Бејрут, Либан, се одржа деветтото издание на интернационалниот избор за женска убавина MISS TOURISM UNIVERSE 2022.

Македонија ја претставуваше 19-годишната Ева Јовановска од Тетово, која успеа да освои две титули: Miss TEEN, како најдобра во конкуренција на девојки до 19 години и титулата 6-та придружничкa (6th runner up) во конкуренција на 30 учеснички од исто толку држави од целиот свет.

Вкупна победничка е Мис Венецуела, титулата Прва придружничка ја освои претставничката на Киргистан, а Втора придружничка е Мис Италија.

Ева е членка на Модното студио Црнокрак, кое ја поседува лиценца за Македонија за овој престижен интернационален избор за убавина. На јавноста ѝ е позната како водителка на естрадниот магазин „Бекстејџ“.

Еден од членовите на жирито кое одлучуваше за тоа кои девојки ќе понесат титули беше и Мики Црнокрак.

„Многу добар избор, во организација на Style Events Organisation, на чело со мојот добар пријател Ели Нахас, кои од 2014 година го организираат овој избор во Бејрут. Девојките поминаа прекрасни 15 дена во Бејрут, исполнети со многу прошетки, посети на фантастични места во Бејрут и целиот Либан, забави, но секако и подготовки за финалето кое се одржа во театарската сала на Casino du Liban во Бејрут, на кое нашата Ева освен како мисица се претстави и со извонредна балетска точка преку која го покажа својот талент за играње, а големиот аплауз од преполната сала покажа дека нејзиниот настап беше навистина одличен. Впрочем, нејзиното комплетно претставување беше на највисоко ниво, навистина во најдобро светло се презентираше себе, Модното студио Црнокрак и Македонија, што на крај и го покажаа двете освоени титули“ – вели Мики Црнокрак.

Слични објави

(ФОТО) Драган Бјелогрлиќ по Скопје го посети и Кавадарци: Присуствуваше на доделувањето на признанието на градоначалникот Митко Јанчев

Еспресо

Почина Лорета Лин: Била ќерка на рудар, се омажила на 15 години и успеала да стане кралица на кантри музиката

еспресо

Неодлучниот Маск конечно пресече: „Ќе го купам Твитер!“

Еспресо

(ВИДЕО) Во знак на солидарност со жените во Иран, шведска пратеничка си ја отсече косата: Додека Иран не се ослободи, нашиот гнев ќе биде поголем од угнетувачите

Еспресо

Која е и што ја прави посебна Бони Габриел, новата Мис на Америка која влезе во историјата?

Еспресо

Откриен мотивот за тепачката на Северина со сестра ѝ? Маријана се налутила за препишан имот

еспресо
Се вчитува....