„Сите почнаа да изгледаат премногу слично — исти лица, исти усни, коси, тела, па дури и исти изрази на лицето. Мислам дека на многу жени денес им недостасува идентитет.“ Ова го сподели Мис Бугарија, Венцислава Тафкова, со своите следбеници на Инстаграм.
На прашањето што смета дека им недостасува на жените денес, таа одговори дека тоа е индивидуалноста, пренесува „Хот Арена“.
„Како желбата да се вклопиш и да одговараш на одреден стандард станала посилна од желбата за индивидуалност. Токму различноста е она што ја прави жената навистина интересна и незаборавна. Убавината не е во копирањето, туку во уникатниот сјај што секоја личност го поседува“, додаде Тафкова.
Но, парадоксално, самата Венцислава сè помалку го демонстрира идентитетот за кој зборува. Следбениците сè почесто забележуваат дека таа почнува да наликува на својата колешка — фолк пејачката Преслава.
Најновите фотографии на нејзиниот профил откриваат изглед кој речиси целосно ја копира пејачката: фризурата, шминката, косата, телото, па дури и носот — сè што Тафкова го посочува како „копи-пејст тренд“ кај жените, сега се пресликува и во нејзиниот сопствен „уникатен“ стил.
View this post on Instagram
