Откако пред неколку месеци имаше тешка операција, македонската пејачка од „Ѕвездите на Гранд“ објави дека е пак во болница во Германија.
Станува збор за убавата пејачка од Битола Марија Груевска, сега Марија Стојаноски. Македонската пејачка, позната по успехот во српското музичко натпреварување „Ѕвездите на Гранд“ беше итно оперирана во Минхен, Германија на крајот од ноември, каде што сега живее.
Новите слики од Марија од болница покажуваат дека таа имала операција на носот, а во објавите вели дека имала големи отоци. На неколкуте приказни кои ги објави на социјалните мрежи, таа вели дека поради операцијата на носот и големите отоци била неколкиу дена во болница.
Во ноември лани, Марија поминала низ многу тежок период, откако ѝ била дијагностицирана нефункционална вена, која морала итно да се отстрани. Како што објави „Гранд“, таа била оперирана во Германија, каде што процедурата била успешно извршена.
Марија ја потврди информацијата за „Гранд“ и откри како се чувствува по операцијата.
-Точно е, се оперирав. Ми ги извадија вените, една главна и неколку помали. Главната вена беше нефункционална, не пумпаше крв и не можеше да остане така, па мораа да ја отстранат. Ме сечеа на 18 места, но заврши- изјавила Марија за „Гранд“.
Во јули во 2022, Марија Груевска се омажи за партнерот Синиша Стојаноски. Како што претходно најави пејачката, свадбата траеше три дена. Уште првиот ден имаше 600 гости, а меѓу нив беа и колегите од „Ѕвездите на Гранд“, Александар Јосифовски и Марио Арангеловски.
