Македонската пејачка Наташа Малинкова летните денови ги поминува во Грција, каде што ужива на семеен одмор со сопругот Кире и нивните две ќерки, Султана и Емилија.
42-годишната пејачка сподели фотографии од одморот, на кои позира во бикини и бел летен фустан, а дел од семејната атмосфера на социјалните мрежи покажа и нејзината ќерка Султана.
Султана направи фотосесија на истата локација како и нејзината мајка, а објави и видео со сестра си Емилија.
View this post on Instagram
Малинкова и претходно зборуваше за тоа колку ѝ значат ваквите семејни моменти. Во интервју за „Слободен печат“ минатото лето откри дека летото е нејзината омилена сезона и дека најмногу ужива во одмори без строг распоред.
„Идеален одмор за мене е онаму каде што ќе го исклучам телефонот, ќе дишам длабоко и ќе го слушам само гласот на природата или смеата на моите ќерки. Без стрес, без план – само добар разговор, вкусна храна, музика и блиските околу мене“, изјави тогаш Малинкова.
Во истото интервју таа зборуваше и за блискиот однос со Султана и Емилија, за кои рече дека не ѝ се само ќерки, туку и „вистински сојузнички, искрени критичари, советници и најдобри пријателки“.
Пејачката тогаш откри и дека со сопругот Кире се повеќе од две децении брак, а како клучни за нивниот однос ги издвои слободата, меѓусебната почит и чувството за хумор.
Судејќи според најновите фотографии од Грција, семејството Малинкови и ова лето создава заеднички спомени покрај море – токму онака како што пејачката го опиша својот идеален одмор.
