Актерот Лазар Ристовски по разводот со Даница Ристовски повторно ужива во љубовта со актерката и колешка Аница Лазиќ, која е 39 години помлада од него.
Како што пренесуваат српските медиуми, Аница се преселила во неговиот луксузен стан во Белград на вода, а актерот поседува и луксузна вила во Гардош во Земун, која има базен на терасата, а сигурно е дека Аница ужива и на оваа локација со познатиот актер.
Имено, Ристовски речиси никогаш не споделува моменти од приватниот живот со јавноста, но во една прилика реши да направи преседан. Во паузите од бројните обврски, актерот се одмора во својата оаза на мирот, изолиран од градската гужва, пренесува српски Блиц.
Овој момент го овековечи со фотографија и реши да испрати поздрави од базенот до следбениците на својот Инстаграм профил, а потоа го покажа и своето мускулесто тело.
„Дома е најубаво“ – гласи насловот на фотографиите.
„И кралот има душа…во својата куќа на Гардош“ – напиша актерот под фотографијата.
Да потсетиме, Лазар Ристовски неодамна се разведе од сопругата Даница по 42 години брак. Како што изјавија, главната причина за разделбата е недостатокот на емоции.
Се венчаа во 1980 година, а добија два сина – Петар, кој е филмски продуцент и режисер, и Јован, кој дипломирал економија. Постариот син е во брак со актерката Теодора Ристовски, додека помалиот Јован со сопругата Љиљана го има синот Богдан.
