Македонската водителка Јелена Спенџарска ги искористи последните летни денови за одмор во Турција, а дел од атмосферата од Бодрум ја сподели со своите следбеници на социјалните мрежи.
Таа објави серија фотографии и видеа од своето патување, на кои може да се забележи како ужива во луксузниот ресорт, плови со брод и се забавува на вечерните забави.
Освен идиличните кадри од популарното турско летувалиште, Спенџарска сподели и размислување за тоа што за неа значат патувањата и новите искуства.
„Најубавиот магнет од секое патување е нова перспектива!
Уау! Колку ме погоди оваа реченица. Нова перспектива, ново разбирање на светот, нов поглед на она што е нормално или правилно, нова верзија од себе за која не си знаела дека постои во твојата домашна зона, нова страст за животот, нова енергија и нова сила да се она што следува понатаму“, напиша таа.
View this post on Instagram
На дел од фотографиите водителката позира во неколку различни костими за капење, покажувајќи ја својата витка фигура, додека на други ги доловува морето, сончевите денови и вечерната атмосфера во Бодрум.
Спенџарска и претходно отворено зборувала на социјалните мрежи за своите навики поврзани со исхраната и физичката активност. Таа редовно трча и вежба во теретана, а споделувала и дека внимава на исхраната и внесот на калории.
