Српската пејачка Наташа Беквалац, според пишувањата на српските медиуми, веќе неколку месеци е во емотивна врска со маж чии иницијали се С. Р., а двајцата наводно прават сè за својата романса да ја задржат подалеку од очите на јавноста.
„Курир“ објави нови детали за нивниот однос откако новинарска екипа го посетила белградскиот комплекс во кој живее наводниот партнер на пејачката и разговарала со неговите соседи.
Неколкумина од нив тврдат дека во последниот период повеќепати ги гледале Беквалац и С. Р. заедно.
„Го познавам момчето, живее тука во нашиот комплекс. Неколкупати беше во друштво на Наташа. Пред извесно време седеа заедно во кафуле. Се однесуваа сосема нормално, разговараа и се смееја, но не видов бакнеж. Изгледаа како блиски пријатели и одлично се согласуваа“, раскажал еден од соседите.
Друга сосетка тврди дека пред околу еден месец ја забележала пејачката рано наутро во населбата, облечена лежерно во шорцеви и маица и со големи црни очила за сонце.
„Се зачудив кога ја видов тука толку рано. Помислив дека и таа се преселила овде, но сега сè ми е јасно. Очигледно преспала кај нашиот сосед“, изјавила таа за српскиот медиум.
Истата жена раскажала и за необична ситуација во локален ресторан, каде што наводно ги забележала Наташа и С. Р. на вечера.
Според нејзиното сведоштво, во еден момент кон нив се упатила друга пејачка која живее во населбата. Кога ја забележала, Беквалац наводно веднаш станала од столчето и влегла во ресторанот.
„Кога Наташа ја забележа, веднаш ја сврте главата, скокна од столчето како попарена и брзо влезе внатре. Веројатно не сакаше да ги види заедно и да објаснува кој е мажот со неа“, раскажала сосетката.
Вработени во околните кафулиња, исто така, за „Курир“ тврдат дека во последно време сè почесто ги гледаат заедно и дека делуваат многу блиски, иако не привлекуваат внимание со своето однесување.
Беквалац засега јавно не ја потврдила наводната врска. „Курир“ наведува дека се обидел да стапи во контакт со нејзиниот ПР-тим, но не добил одговор.
Според информациите на медиумот, С. Р. е една година постар од пејачката, претходно бил во брак и има дете. Во минатото се занимавал со фудбал, а денес работи како директор во компанија во сопственост на неговиот татко, која се занимава со сметководствени и ревизорски услуги и даночно советување.
Извори блиски до нив тврдат дека Беквалац и С. Р. намерно ја чуваат приватноста и се гледаат кога обврските им го дозволуваат тоа. Според истите информации, тие заедно престојувале и на грчкиот остров Миконос, а тој неодамна наводно бил и на нејзин настап во Белград.
Додека српските медиуми продолжуваат да објавуваат детали за наводната романса, Наташа Беквалац сè уште не се огласила за својот љубовен статус.
