Македонската телевизиска водителка Живкица Каленикова имаше интересна средба со една од најголемите ѕвезди на светскиот спорт – српскиот тенисер Новак Ѓоковиќ.
Каленикова го овековечи моментот со заедничка фотографија, која ја сподели со своите следбеници на социјалните мрежи.
„Со најдобриот, со најголемиот на сите времиња!“, напиша водителката покрај фотографијата со Ѓоковиќ.
Објавата веднаш предизвика бројни реакции, а нејзините следбеници во коментарите се интересираа каде се случила средбата.
Ова не е првпат Каленикова да се најде во друштво на светски позната личност. Водителката досега има споделено фотографии и од средби со британскиот пејач Роби Вилијамс и водителот Џејмс Корден, а во нејзината колекција се и фотографии со аргентинската фудбалска ѕвезда Лионел Меси и неговата сопруга Антонела Рокуцо, како и со колумбиската пејачка Шакира.
