Најпознатата хрватска навивачка, Ивана Кнол повторно е во центарот на вниманието, но овојпат не на фудбалските трибини, туку на снежните падини каде што се појави во улога на диџеј.
Кнол сподели фотографии на својот Инстаграм профил од викендот поминат на музички фестивал на планина, каде што се дружеше со една од најголемите ѕвезди на електронската сцена Дон Дијабло.
View this post on Instagram
И покрај ниските температури, Ивана остана верна на својот препознатлив стил. Таа позираше во минијатурни црни шорцеви, тесно боди, екстравагантни крзнени чизми и мрежести чорапи кои дополнително ја „подгреаја“ атмосферата на снегот.
Покрај фотографиите со славниот диџеј, Ивана сподели и како си поминала зад диџејскиот пулт.
„Каков викенд! Свирев на фестивал на снег, запознав прекрасни луѓе, го победив стравот од висина во жичарницата и изедов премногу Харибо бонбони“, напиша Ивана под својата објава.
На една од фотографиите се гледа како таа со голема самодоверба управува со миксетата пред многубројната публика, докажувајќи дека нејзината кариера како диџеј оди во нагорна линија.
Очигледно е дека Кнол знае како да го привлече вниманието каде и да се појави – без разлика дали е тоа Светско првенство или музички сет на неколку илјади метри надморска височина.
