Дева Касел на 21 година веќе јасно покажува дека чекори по стапките на својата мајка, безвременската Моника Белучи. Младата манекенка и актерка направи впечатлива фотосесија за француското издание на списанието „Венити фер“, каде што позираше заедно со актерот Жилиен де Сен Жан.
Дева, која Белучи ја доби во бракот со Венсан Касел, во моментов работи на филмот „Фантомот од операта“ (Le Fantôme de l’Opéra), чија премиера е најавена за септември. Токму со својот филмски партнер ја реализираше новата фотосесија што привлече бројни реакции на социјалните мрежи.
Младата актерка позираше во долга чипкана тоалета што совршено ѝ прилега, но и во црвена долна облека со која ја истакна својата фигура. Колегата се појави во бела кошула и широки панталони, како и во комбинации со ролка и маица. Стајлингот го осмисли Тања Рат-Патрон, шминката беше дело на Јоланта Чедро, а фризурата на Џон Ноле.
Под фотографиите се нижеа комплименти, при што многумина коментираа дека Дева е „иста како мајка ѝ“ и дека има потенцијал да ја освои актерската сцена.
Иако е четири години помлада од својот партнер во филмот и сè уште учи, Дева веќе има зад себе кампањи за „Диор“, „Макс Мара“ и „Долче и Габана“. Се појави и во мини-серијата „Леопард“ (Leopard) на Нетфликс. Режисерот Александре Кастањети изјави дека веднаш ја доживеал како исклучителна – со етерична појава и елеганција во чекорот, „како да лебди над светот“.
Самата Дева истакна дека е возбудена поради проектот.
„Ова е мојата прва улога во Франција. Тоа е проект поголем од мене, како и сите што ќе следуваат. Сакав сè да помине добро“, изјави младата актерка.
