Водителката Искра Канзурова (Мишиќ) уште еднаш покажа дека е најголемата и најгордата поддршка на своите деца. Овојпат, повод за огромно славење и искрени емоции е нејзиниот син Меглен, кој постигна голем спортски успех.
Искра на социјалните мрежи сподели емотивен кадар од трибините во моментот кога Меглен веднаш по завршувањето на натпреварот трча во нејзината прегратка за да ја сподели радоста од големиот триумф.
„Тоа е тоа чувство кога син ти по победа ќе те гушне. Честитки за пионерската селекција на Алкалоид, новите шампиони на Македонија. Браво дечки, само напред“, напиша водителката во описот на фотографијата.
Меглен и неговите соиграчи од пионерската селекција на РК „Алкалоид“ се закитија со титулата шампиони на Македонија, докажувајќи дека клубот поседува неверојатен капацитет и млада сила која допрва ќе гази на ракометните терени.
