Ирена Спировска се појавила во своето најсексапилно издание досега на концерт, во друштво на пријателки. Верувале или не, таа на 25 јуни ќе наполни 52 години.
Водителката која со години важи за една од најубавите жени во јавноста кај нас, била на концерт кај пејачот Јоце Панов, а сликата во ултра мини во друштво на пријателки ја објавила од салата на Филхармонија каде што се одржал овој концерт.
Ирена потоа споделила снимки од концертот на кој очигледно убаво си поминала. За себеси, таа зборуваше во едно интервју за „Слободен печат“.
-Јас завршив средно медицинско училиште, отсек забни техничари, и токму еден од професорите чија сопруга беше просветен работник, во една пригода ни обрна внимание на тоа колку изборот на професијата влијае врз начинот на кој ќе го живееме животот. Тој беше убеден дека неговата сопруга има една од најубавите професии што може да ги работи една жена, а тоа е учителка.
Тоа ме поттикна да размислувам кои професии би сакала да ги работам. Иако се одлучив да студирам книжевност и македонски јазик со желба да бидам просветен работник, сепак, станав ТВ-водител, што значи дека понекогаш професијата нè избира нас, а не ние неа-изјави Ирена.
