Принцот Хари, кој наполни 39 години, го прослави својот роденден во друштво на сопругата Меган Маркл и неговите асистенти во германскиот ресторан „Im Goldened Kessel“ во Дизелдорф. Војводите од Сасекс дојдоа во Германија на Игрите Инвиктус.
Сопственичката на ресторанот Теа Унгерман и главниот келнер Френк Вакерс ги информираа новинарите на Дејли Меил за славеничката вечер и споделија фотографија со парот на Инстаграм.
„Хари е прекрасна личност, цело време беше весел и се забавуваше. Меган беше прекрасна. Беа слатки и многу среќни”, рече Унгерман.
„Хари и Меган седеа еден до друг за време на вечерата. Се возбудив кога влегоа во ресторанот и ги видов, претходно го гледав како настапува на сцената на игрите Инвиктус и не можев да верувам дека е во мојот ресторан“, додава таа.
Двојката пробала локални јадења и пиеле пиво.
„Хари рече дека ќе ме убие ако пивото е лошо, но знам дека се шегуваше“, изјави главниот келнер Вакерс. Тој истакна дека откако Хари ја платил сметката, на персоналот му оставил „огромен бакшиш“.
Двојката ја поминале вечерта со своите асистенти и постојано – и многу љубезно и спонтано – комуницирале со персоналот на ресторанот. Покрај тоа, тие не ги одбиле другите гости на ресторанот кои побарале да се фотографираат со нив.
View this post on Instagram
Секако, лежерниот изглед на Меган остана забележан – чевлите се од марката Маноло Бланик, кошулата со риги е „Доен“, а белите фармерки се од „Фрејм“.
